Aaron Ciechanover
Israelen jaio zen. Jerusalemgo He-brew Unibertsi-tateko Medikun-tza eskolan lortu zuen lizentziatu-ra eta masterra. Technion - Israel Institute of Technology institutuan doktoratu 1981ean, eta egun bertako Ikerketako Irakasle Gailena da. Han, graduondoko ikaslea zela, Avram Hershko doktorearekin batera eta Filadelfiako (AEB) Fox Chase Cancer Center zentroko Irwin A. Rose doktorearekin lankidetzan, aurkikuntza hau egin zuen: ubikitina proteinaren lotura beste diana-proteina batekin proteina hura degradatzeko lehen seinalea dela. Elkarrekin, degradazio mekanismo hori deszifratu, eta haren erregulazio funtzio nagusiak zehaztu zituzten. Ubikitinak hainbat prozesu zelularretan eginkizun garrantzitsua du eta sistema horretan anomaliak egoteak gaixotasun askoren mekanismo patogenikoen atzean dago. Ezagutza hau farmako berriak garatzeko oinarria izan da.
Ciechanover irakasleak sari ugari jaso ditu, ubikitina bidezko proteinen degradazioaren aurkikuntza dela eta, Hershko eta Rose irakasleekin partekatutako Kimikako Nobel Saria 2004ean, besteak beste. Era berean, Ciechanover munduko zientzia akademi garrantzitsu askoren kidea da, batzuk aipatzearren: AEBko Kimikako Elkartearen ohorezko kidea, Arteen eta Zientzien Akademia Amerikarrekoa ohorezko kidea, eta Israelgo Zientzien eta Gizarte Zientzien Akademia Nazionalekoa.
Autobiografia
Curriculum Vitae
Bideo-elkarrizketa
YouTube I
YouTube II
YouTube III
Nobelaren ikerkuntza azalduz
